Монгол Улсын Төрийн далбаа тээгч, Үндэсний агаарын тээвэрлэгч “МИАТ” ТӨХК Улаанбаатар–Шанхай чиглэлд шууд, хуваарьт нислэг үйлдэж эхэллээ.

 Уг чиглэлд долоо хоног бүрийн Лхагва, Бямбар гарагуудад тогтмол нислэг үйлдэнэ.Шинэ чиглэл нээх нь тухайн хоёр орны аялал жуулчлал, худалдаа, бизнесийн харилцааг эрчимжүүлэхийн зэрэгцээ зорчих нөхцөлийг хялбарчилж, хоёр улсын эдийн засгийн уялдааг бэхжүүлэхэд чухал хувь нэмэр оруулах юм.

"МИАТ" ТӨХК нь олон улсын нислэгийн сүлжээгээ үе шаттайгаар өргөтгөж, бүс нутгийн стратегийн гол төвүүд рүү нислэгийн хүртээмжийг нэмэгдүүлэхээр зорин ажиллаж байгаа бөгөөд Шанхай чиглэлд шууд нислэг нээснээр зорчигчид БНХАУ-ын худалдаа, санхүүгийн төв болох тус хот руу богино хугацаанд, тав тухтай зорчих боломжийг бүрдүүлж байгаа юм.

           Шанхай чиглэлийн нислэгийн цагийн хуваарь болон тийзийн мэдээллийг "МИАТ" ТӨХК-ийн албан ёсны вэбсайт, фэйсбүүк хуудас, мэдээлэл лавлагааны 11-333-999 дугаар, тасалбар түгээврийн төвүүд, болон Зорчигчийн тийз борлуулагч агентуудаас авах боломжтой.