Засгийн газрын хуралдаанаас гаргасан шийдвэрийг танилцуулж байна. Засгийн газрын Хэрэг эрхлэх газрын дарга С.Бямбацогт “ Монголчууд Эрдэнэт, Сайншанд, Оюутолгойд зэс хайлуулах үйлдвэр баръя” гэж олон жил ярьсан. 1980-аад оноос зэс хайлуулах үйлдвэртэй болно гэж ярьж эхэлсэн юм билээ. Тиймээс энэ жил Ерөнхий сайдын захирамж гаргаж Засгийн газрын Хэрэг эрхлэх газрын даргад зэс хайлуулах үйлдвэртэй болох  ажлыг хариуцуулсан. Өнгөрсөн хугацаанд зэс хайлуулах үйлдвэрийн компанийн дүрэмд өөрчлөлт оруулж, гүйцэтгэх захирлыг шинээр томилсон. Зэс  хайлуулах үйлдвэрийн ТЭЗҮ-г боловсруулж, Аж үйлдвэр, эрдэс баялагийн яамны Шинжлэх ухаан технологийн зөвлөлөөр батлуулж чадсан. Гүйцэтгэх компанийг сонгон шалгаруулахаар холбогдох яамдуудын саналыг нэгтгэсэн. Зэс хайлуулах үйлдвэрийн хүчин чадлыг жилд 120 тонн цэвэр зэс хайлуулах хүчин чадалтай байхаар тооцсон. Энэ үйдвэрийн хөрөнгө оруулалтын хэмжээ 800 сая ам.доллар байхаар ТЭЗҮ-д тусгасан. Зэс хайлуулах үйлдвэр өндөр ашигтай биш. Харин зэсийг дагасан бусад бүтээгдэхүүний хувьд өндөр үр өгөөжтэй байдаг. Тиймээс Эрдэнэт үйлдвэрээс хөрөнгө гаргахгүйгээр зэс хайлуулах үйлдвэрийг стратегийн олон улсын туршлага, технологотой компаниар барьж, байгуулахаар зар хүргүүлж байгаа. Нэгдүгээр сардаа багтааж компаниудыг шалгаруулж, Засгийн газрын хуралдаанд танилцуулах ёстой. 500 тэрбумаас дээш хөрөнгө оруулалт хийж байгаа компаниудыг УИХ-д танилцуулж, хөрөнгө оруулалтын тогтвортой байдлын гэрээ хийнэ” гэлээ.