Долоо хоног бүрийн лхагва гаригт Засгийн газар ээлжит хуралдаанаа хийдэг.  Тэгвэл өнөөдөр Засгийн газар 26 дугаар хуралдаанаар хуралдуулж байна. УИХ Ерөнхий сайд Л.Оюун-Эрдэнэд итгэл хүлээлгэхээс татгалзсанаар Засгийн газар бүрэн бүрэлдэхүүнээрээ огцорсон. Гэхдээ дараагийн Засгийн газар байгуулагдтал Л.Оюун-Эрдэнийн танхим ажлаа үргэлжлүүлнэ. Тиймээс Засгийн газар ээлжит хуралдаанаа эхлүүллээ. 
Засгийн газрын өнөөдрийн хуралдаанаар дараах асуудлуудыг хэлэлцэхээр төлөвлөжээ.

• Хувийн нэмэлт тэтгэврийн даатгалын тухай анхдагч хуулийн төсөл,
• Татварын ерөнхий хуульд нэмэлт, өөрчлөлт оруулах тухай хуулийн төсөл,
• Аж ахуйн нэгжийн орлогын албан татварын тухай хуульд нэмэлт, өөрчлөлт, оруулах тухай хуулийн төсөл,
• Хувь хүний орлогын албан татварын тухай хуульд нэмэлт, өөрчлөлт оруулах тухай хуулийн төсөл,
• Нэмэгдсэн өртгийн албан татварын тухай хуулийн шинэчилсэн найруулгын төсөл,
• Хөдөлмөрийн тухай хуульд нэмэлт оруулах тухай хуулийн төсөл,
• “ТЭЦ-3” дулааны цахилгаан станцад гарсан ослын шалтгаан, үр дагаварын талаар,
• Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төсөл болон дагалдах бусад хуулийн төсөл зэрэг 28 асуудал хэлэлцэнэ.