МАН-ын жагсаалтын 19-д багтаж, Төрийн ордон руу суух эрхээ хоншоороороо таслуулсан Боловсролын дэд сайд асан Г.Ганбаяр гэж нөхөр бий. МАН-ын томчуудын халаасанд багтаж, дэд сайдын суудал, жагсаалтын 19-ийг хүртсэн ч түүнд хувь дутсан. МАН-ын жагсаалтын 18 хүн УИХ-ын гишүүнээр сонгогдох эрх хүртэж байхад Г.Ганбаяр сонгогчид чадаагүй нэр дэвшигчдийг тэргүүлж байлаа. Түүнээс хойш түүний бараа сураг харагдсангүй. Гуньсан уу, гутарсан уу, мэдэх юм алга. Ямартай ч тэр алга боллоо. Гэхдээ Г.Ганбаяр зүгээр нэг алга болж болохгүй нэг баримт бий. Түүнийг хууль хяналтын байгууллага руу хөтлөх ...... наймаа, хууль бус хэрэг зохион байгуулсан ч байж мэдэх ноцтой баримт байж болзошгүй гэнэ.  

МАН-ын жагсаалтын 19 дүгээрт эрэмбэлэгдсэн дэд сайд асан Г.Ганбаяр нь 1979 онд Улаанбаатар хотод төрсөн. Эхнэр, хүүхдүүдийн хамт амьдардаг. 1997 онд нийслэлийн 84 дүгээр дунд сургууль, 2002 онд Санхүү, эдийн засгийн дээд сургууль, 2004 онд мөн сургуулийг тус тус төгссөн. Эдийн засагч мэргэжилтэй. Эдийн засгийн ухааны магистр зэрэгтэй юм. Угтаа боловсролтой, боломжийн боловсон хүчин. Тэгвэл ёс зүй, ёс суртахуун түүнд бий юу.

    Тэрбээр 2001-2002 онд Монгол Улсын Их Хурлын Тамгын газарт Хэвлэл мэдээллийн ажилтан, 2003-2007 онд ТВ-5 телевизд Ерөнхий менежер, 2008-2012 онд нийслэлийн иргэдийн Төлөөлөгчдийн Хурлын төлөөлөгч, Нийгмийн бодлогын хорооны дэд дарга, 2011-2012 онд Нийслэлийн хөрөнгө оруулалтын газарт Хэлтсийн дарга, 2012-2016 онд нийслэлийн иргэдийн Төлөөлөгчдийн Хурлын төлөөлөгч, Нийгмийн бодлогын хорооны дарга, 2013-2015 онд МАН-ын Удирдах зөвлөлд Хэвлэл мэдээлэл, улс төрийн мэргэжилтэн, 2015-2018 онд МАН-д Газрын даргаар тус тус ажиллаж байсан туршлагатай нэгэн.

Сүүлийн хэдэн жил Боловсролын дэд сайдаар ажилласан. Гэхдээ сайдын суудлын “бөглөөс”-өөс хэтрээгүй. Үүнийг гэрчлэх олон хүн бий. Үүний нэг нь иргэн Сүнээ буюу Б.Сүндэрьяа. Тэрбээр өнгөрсөн сонгуулийн үеэр дэд сайд асан Г.Ганбаяртай холбоотой маш ноцтой мэдээллийг цахим хуудастаа бичсэн байдаг. Түүний мэдэгдсэн мэдээлэл, бичлэгийг тун удахгүй бид хүргэх болно.