Францын уран барималч Абель Лафлёр эртний Грекийн ялалтын дагина Никегийн (Nike) дүрслэлтэй, гараараа амьдралын мод хэлбэртэй аяга өргөж буй эмэгтэй хүний хэлбэртэй цомыг бүтээжээ. Анхандаа зүгээр л «Ялалт» нэртэй байсан уг цомыг 1930 онд Уругвай улсад болсон анхны дэлхийн аварга шалгаруулах тэмцээнд түрүүлсэн багт гардуулж өгсөн юм. Ойролцоогоор 35 см өндөртэй, 3.8 кг жинтэй тус цомыг цэвэр мөнгөөр урлаж, гадна нь алтаар бүржээ.
1966 онд хөлбөмбөгийн эх орон Англи улсад ДАШТ болохоос дөрвөн сарын өмнө тус цомыг Лондон хотын Уэстминстер төв танхимд байршуулан олон нийтэд дэлгэн үзүүлж байв. Гуравдугаар сарын 20-ны ням гарагт үзэсгэлэн хаалттай байх үед хулгайч нар хамгаалалтынхны алдааг ашиглан танхимд орж, шилэн хоргыг ар талаас нь эвдэж, цомыг авч оджээ. Тэд тухайн үед хэдэн сая фунтээр үнэлэгдэх маркийн цуглуула болон бусад үнэ бүхий эд зүйлсийг хөндөлгүйгээр зөвхөн цомыг авч одсон аж. Английн хөлбөмбөгийн холбоо төдийгүй англи орон тэр чигтээ сандарч, уг явдал дэлхий дахинаа дуулиан тарьлаа. Цагдаа нар ч орон даяар эрэн сурвалжилж эхлэв. Гэтэл хулгайч нар Хөлбөмбөгийн холбооны удирдлагатай холбоо барьж 15.000 фунт өгвөл цомыг буцаан өгөх болзол тавьж, үүнийгээ үнэмшүүлэхийн тулд сүрдүүлгийн захидлыг цомны тагтай явуулжээ. 1966 оны үеийн 15,000 фунт стерлинг нь тухайн үеийн амьжиргааны түвшинтэй харьцуулахад багагүй мөнгө байв. Цагдаа нар их хэмжээний хуурамч мөнгө харуулан хулгайч нартай тохиролцохоор болзжээ. Цэцэрлэгт хүрээлэнд Эдвард Блетчли гэгч ирсэн ч өөрийг нь баривчлах гэсэн цагдаагийн үйлдлийг мэдээд зугатав. Гэвч английн цагдаа нар түүнийг барьжээ. Эдвард Блетчли уг хулгайд оролцоогүй дундын зууч хийх гэсэн тухайгаа хэлж, цом хаана байгааг мэдэхгүй гэв. Ийнхүү мөрдөгч нарын эрэл мухарджээ.
Пиклс нохойны гавьяа

Өмнөд Лондоны Беула Хилл гудамжинд завьны засварчин Дэвид Корбетт гэгч нохойгоо салхилуулангаа утсаар ярих гэж гэрээсээ гарчээ. Харин түүний нохойн машины доор байгаа боодолтой зүйлийг ихэд олзуурхан үнэрлэж эхэлжээ. Дэвид уг зүйлийг эхлээд ямар нэг хог, дараа нь тэсрэх бодис байж магадгүй хэмээн болгоомжилсон ч эцэстээ сонирхол нь давамгайлж, задалж үзжээ. Сонинд орооож гадуур нь нарийн олсоор нямбайлсан ороосон металл эд зүйлийн доор Бразил, Уругвай, Герман улсын нэрийг бичсэн байжээ. Тэр эдгээр нэрсийг хараад алдагдсан цом олсноо мэдэж Лондон хотын цагдаа нарт хандав. Харин цагдаа нар түүнийг тийм ч таатай хүлээж авсангүй. Хулгач нарын нэг гэж сэжиглэх үндэслэл байлаа. Тэд Дэвидийг удтал шалгасны эцэст уг хэрэгт буруугүй, харин ч шударга зүйл хийсэн болохыг нотолжээ. Цомыг анх олсон үүлдрийн колли үүлдрийн Пиклс нэртэй нохой хэвлэлийн баатар болов. Компаниуд түүнд уух сүү, хоолных нь бүтэн жилийн хэрэгцээг хангах зэрэг олон шагнал өгөв.
Хулгайч нар тэдний хулгайлсан цом тийм их дуулиан тарих талаар тооцоолоогүй учир цомыг хаясан байх гэсэн сэтгэгдэл англичуудад төрсөн бөгөөд тэд олдоогүй юм. Харрин барьцааны мөнгө авахааар ирээд цагдаа нарт баригдсан Эдвард Блетчлид шүүхээс хоёр жил хорих ял өгчээ.
Бүрмөсөн алдагдсан хоер дахь хулгай
Бразилийн шигшээ баг 1970 онд түүхэндээ гурав дахь удаагаа дэлхийн аварга болсноор хөлбөмбөгийн ДАШТ-ийг саначлагч Жюль Римегийн нэрээр нэрлэгдсэн алтадсан цомыг мөнхөд эзэмших эрхтэй болсон юм. Уг цомыг Рио-де-Жанейро хот дахь Бразилийн хөлбөмбөгийн холбооны байранд өндөр хамгаалалт дор шилэн хоргонд хадгалж байв. 1983 оны 12 дугаар сарын 19-нд тус холбооны байранд зэвсэглэсэн дээрэмчид нэвтэрч, сум нэвтрүүлдэггүй тусгай шилэн хоргоны модон ар талыг лоомоор хөшиж онгойлгоод цомыг хулгайлан зугтжээ. Цагдаа нар мөрдөн шалгах ажиллагааны явцад Сержио Перейра Айрес гэгч банкер болон түүний хамсаатнуудыг илрүүлж, эздийг нь эзгүйд шүүхээс ял оноосон боловч цом олдоогүй байна. Уг цом нь цэвэр алтнаас бүтээгдээгүй, алтаар бүрсэн мөнгөн хайлш байсан хэдий ч гэмт этгээдүүд үүнийг хайлуулан алтан гулдмай болгож хар зах дээр зарсан гэж албаныхан үзжээ. Харин зарим шинжээчид үүнийг хайлуулаагүй, дэлхийн аль нэг хувийн цуглуулагчийн нууц агуулахад байгаа гэж таамагладаг. Жюль Римегийн цом бүрмөсөн алга болсны дараа FIFA одоогийн бидний мэдэх Италийн уран баригч Сильвио Гаццанигагийн бүтээсэн шинэ алтан цомыг хийлгэсэн бөгөөд энэ цомыг ямар ч улс орон өөрийн болгох эрхгүй болсон юм. 1974 оноос хойш ашиглагдаж буй өнөөгийн FIFA-гийн алтан цомыг Италийн уран баригч Сильвио Гаццанига бүтээжээ. Энэ нь хоёр тамирчи дэлхийн бөмбөрцгийг өргөж буй хэлбэртэй, суурь хэсэгтээ малахит чулуун оруулгатай бөгөөд 18 каратын цэвэр алтаар хийгдсэн байдаг.
.png)
| Жюль Римегийн цомын хулгайлагдсан түүх |
Нисгэгч нь нисгэгчээ хутгалж, зорчигчид аварсан Flydubai-гийн аймшигт нислэг
2026-10-01 14:52:10
Бүлэг хүчирхийлэгчдийг сургуулийн удирдлага буруугаа хүлээсэн эссэ бичүүлэх шийтгэл оногдуулжээ -Америкийн топ их сургуулийн захиргаанаас гаргасан энэхүү шийтгэл олон нийтийг бухимдуулж байна
2026-09-30 15:37:56
Төрөөс мөнгөний бодлогын талаар 2027 онд баримтлах Үндсэн чиглэлийн төслийг УИХ-д өргөн барилаа
2026-09-30 13:23:19
“ДЭЛХИЙН ХУРИМТЛАЛЫН ӨДӨР – 2026” аяны хүрээнд ахлах ангийн сурагчдад санхүүгийн боловсрол олгох өдөрлөг боллоо
2026-10-23 17:13:46
Монголбанк, Германы Холбооны Банк (Бундесбанк) хооронд хамтын ажиллагааны санамж бичиг байгууллаа
2026-10-21 11:16:00
Бүгд Найрамдах Казахстан Улсын Элчин сайдыг хүлээн авч уулзав
2026-10-16 17:55:19
Их Британийн Барклэйс банкны төлөөллийг хүлээн авч уулзлаа
2026-10-14 17:51:37
Монголбанкны Тэргүүн дэд Ерөнхийлөгч Э.Анар Зүүн Өмнөд Азийн Төв банкнуудын холбооны гүйцэтгэх хорооны өндөр түвшний хуралд оролцов
2026-10-13 17:47:52
НЭЭЛТТЭЙ ПАРЛАМЕНТ ИРГЭНДЭЭ ИЛҮҮ ОЙРТЛОО
2026-10-13 11:27:04
“Амьд ертөнцийн тайлан 2026” ба монгол бөхөн
2026-10-12 18:59:05
Монголбанк мөнгөний бодлого, түүний хэрэгжилтийн тогтолцоог сайжруулах чиглэлээр ОУВС-гийн техник туслалцааны багтай хамтран ажиллалаа
2026-10-12 14:44:55
Үндэсний төлбөрийн системийн хөгжлийн асуудлаар хэлэлцлээ
2026-10-09 16:32:33
Балчир зочин, бэрхшээлтэй хөршөө устгаад л байх уу
2026-10-09 15:22:33
Их өгөгдөлд суурилсан банкны хяналт шалгалтын тогтолцоог нэвтрүүлж, гадаад төлбөр тооцоог хялбаршуулж, хүртээмжийг нэмэгдүүлнэ
2026-10-08 17:29:27
Тогтвортой хөгжил, ногоон санхүүжилтийн цахим сургалт нээлттэй боллоо
2026-10-07 16:37:00
Ямааны халдварт өвчин Монголын хил, гаалийг “годронтсон” болохыг батлав уу
2026-10-06 16:06:51
Монголбанк, SEACEN-ий хамтарсан өгөгдлийн аналитикийн Олон улсын сургалт эхэллээ
2026-10-06 10:16:00
“Дэлхийн Хуримтлалын Өдөр-2026” аяны нээлт Өмнөговь аймагт боллоо
2026-10-05 17:29:00