Теннесси мужийн амбан захирагч өршөөл үзүүлэх хүсэлтийг хүлээн аваагүй тул 30 жилийн өмнө хүн амины хэрэгт буруутгагдаж байсан Криста Пайк гэх эмэгтэйг цаазлахаар болжээ. Цаазаар авах ялыг гүйцэтгэвэл тэрээр 200 жилийн хугацаанд тус мужид цаазлагдсан анхны эмэгтэй болох юм.
Пайк нь 1995 онд 17 настай найз залуутайгаа  хамтран ангийнхаа Коллин Слеммерийг хөнөөжээ.  Харгис хэрцгийгээр хөнөөж, хохирогчийн биед сатаны бэлгэдэлийг сийчсэн нь тухайн үед олны анхаарлыг татсан аж. Түүнийг нэгдүгээр зэргийн аллага үйлдсэн хэрэгт буруутгаж, цаазаар авах ял оноосон нь АНУ-ын шинэ үеийн түүхэнд цаазаар авах ялаар шийтгүүлсэн хамгийн залуу эмэгтэй болсон юм.  Түүнийг цаазаар авах өдөр ойртох тусам “Эмнести Интернэшнл” зэрэг иргэний эрхийн байгууллагууд идэвхжиж түүнийг цаазын ялаар шийтгэхгүй байхыг амбан захирагчаас хүсч,  олон нийтээс дэмжлэг авахаар ажиллаж буй юм. 
Пикийн өмгөөлөгчид түүнийг " Бага наснаасаа эхлэн бэлгийн хүчирхийлэлд өртсөн түүнийг цэтгэцэд нөлөөлж, энэ хэргийг үйлдсэнүй Криста хийсэн хэрэгтээ гэмшсэн 50 настай эмэгтэй болсон зэргийг харгалзан үзэх ёстой” гэжээ. Өмгөөлөгчид нь түүний сэтгэцийн эрүүл мэнд, бага насанд амссан хүнд хүчир дарамт, шүүх хурлын явцад гарсан алдаа зэргийг үндэслэн холбооны болон мужийн шүүхүүдэд тасралтгүй заалдаж, ялыг хойшлуулсаар иржээ.