1530 онд Микеланжело Пап ламын уур хилэнгээс зугтаr Флоренц хотын Сан Лоренцогийн сүмийн доорх жижигхэн нууц өрөөнд орж бүгжээ. Тэрээр тухайн үед Медичигийн гэр бүлийн бунхныг барьж байсан ч хотод үймээн дэгдсэн тул амь аврагдах гэж ийнхүү нуугдсан аж. Өдөржин хоригдол мэт суухдаа тэрээр нүүрсээр ханан дээр янз бүрийн зураг зурж цагийг өнгөрөөжээ.
Микеланжело Медичигийн гэр бүлийн захиалгаар энэхүү сүрлэг бунхныг барьж байсан боловч яг үнэндээ тэрээр энэхүү гэр бүлийн эрх мэдлийн эсрэг зогсож байв. 1529 онд тэрээр ардчилсан засаглалыг дэмжсэн Флоренцчуудтай нэгдэж, Медичигийн талынхны эсрэг хотын хэрмийг хамгаалсан юм. Ропын пап Медичигийн гэр бүлээс гаралтай учир Микеланжело өөрийнхөө ивээн тэтгэгчдийн эсрэг боссон нь энэ. 
Хэдэн сар үргэлжилсэн тэмцлийн эцэст Пап ламын тал ялалт байгуулж, эсэргүүцэгчдийг шийтгэж эхлэв. Харин Микеланжело гурван сарын турш энэхүү умгар өрөөнд бүгж, чимээгүй хүлээгээгүй бол түүнийг ч бас шийтгэх байсан нь лавтай.
1530 оны 11 дүгээр сард Пап лам Микеланжелог "бүхнийг уучилсан, ажилдаа эргэн ор" гэж мэдэгдсэний дараа тэрээр нуувчнаасаа гарч иржээ. Тэр Медичигийнхэн эвлэрч, ажлаа үргэлжлүүлсэн юм. Микеланжело тухайн гурван сарыг хаана, хэрхэн өнгөрөөснөө хэнд ч хэлээгүй учир 500 жилийн турш энэ явдал нууц хэвээр үлджээ. Түүнийг найзындаа эсвэл сүмийн хонхны цамхагт нуугдсан гэж таамаглаж байв
Тэрхүү нууц өрөөг 1975 онд л музейн захирал санамсаргүйгээр олж нээсэн байна. Өрөөний ханан дээр Микеланжелогийн өөрийнх нь хөрөг, Христийн дүр болон Сикстин сүмийн таазанд зурсан алдартай бүтээлүүдийнх нь ноорог зургууд байсан нь тогтоогджээ.