Олон зуун суут санааг гаргаж түүнийгэ патентжуулсан Томас Эдиссоныг бид мэднэ. Хүний түүхэнд оруулсан түүний хувь нэмэр их ч зарам базаахгүй явдлаар намтраа чимсэн байдаг. Тухайн үед  тэрбээр шууд гүйдлийн технологийг сурталчилдаг байсан бол болон Вестингхаус нар "Хувьсах гүйдэл" (AC)-ийг түгээж байв. Эдисон харин хувьсах гүйдлийг хүмүүсийн хэрэглээнд оруулбал  аюултай гэж итгүүлэхийн тулд "AC бол үхэл" гэсэн сурталчилгааны кампанит ажил явуулж байлаа. Томас Эдиссон тухайн үед АНУ-ын хотуудад шулуун гүйдлийн станцуудыг барьж, өргөн хүрээтэй олон сүлжээг хэдийнэ байгуулсан учир хамаагүй бага зардлаар бий болох хувьсах гүйдлээс айж байлаа. Хувьсах гүйдэл хэрэглээнд нэвтэрвэл түүний оруулсан олон сая долларын хөрөнгө оруулалт, байгуулсан дэд бүтэц үнэ цэнгүй болох байж.
Түүний толгойд хүмүүст энэ сурталчилгаагаа хатуу итгүүлэх сонирхол байсан учир бодитоор хийхээр шийджээ. Тэр амьтны хүрээлэнд байх Тогси нэртэй зааныг энэхүү сурталчилгаандаа ашиглахаар шийджээ. Заан хүмүүсийг нуруун дээрээ суулгаж зугаалдаг байсан амьтны хүрээлэнгийн захиргаа харгалзагчдаа халдсан хэрэгт түүнийг буруутгаж, устгахаар шийдсэн нь Эдиссоныг энэ шийдвэрт хүргэж. Нэгэнт устгах ёстой юм бол шинжлэх ухаанд, хүмүүсийн аюулгүйн төлөөх зорилгод ашиглаач гэсэн түүний санал хүндэтгэн үзэх ёстой зүйл байлаа. Энэ удаа Томас Эдссон  зааныг олны нүдэн дээр хувьсах гүйдлээр алж, энэ технологийн аюултайг харуулах боллоо. 1903 оны 1-р сарын дөрөвний өдөр Эдисоны баг заанд 6600 вольтын цахилгаан гүйдлийг 10 секундын турш өгчээ.  Эдисон энэ үйл явдлыг өөрийн кино студийн камераар (Edison Manufacturing Company) дүрсэнд буулгаж, хожим нь "Electrocuting an Elephant" нэртэйгээр олон нийтэд үзүүлсэн байна. Энэ нь тухайн үедээ олон үзэгчийг "шок"-онд оруулсан контент болов. Тэр хүмүүст илүү их итгэл төрүүлэхийн тулд зааныг хүчдэлээр цохиулахаас өмнө цианидаар хордуулсан хоол өгчээ. 
Энэхүү харгис үйлдэл нь Эдисоны хүссэнээр Теслагийн технологийг гутааж чадаагүй юм. Олон нийт зааныг хайрладаг, хэрцгийгээр хөнөөх үйл явцыг хүүхэд, эмэгтэйчүүдэд үзүүлсэн гэж хэвлэлийнхэн түүнийг буруутгав. Олон нийт ч маш энэ явдлыг  жигшин зэвүүцжээ. Ингэлээ гээд Эдисон цөхрөрсөнгүй цахилгаан сандалд суулгаж гэмт хэрэгтнийг цаазлах ялыг санаачлав. Хувьсах гүйдлийг үгүйсгэх олон ажил зохион байгуулж Теслаг муухай муухай харагдуулах гээд барсангүй.